Boosaaso,(insidesomalia.org) - Burcad badeed Soomaaliyeed ayaa ka afduubtay meel ku dhow marin biyoodka Cadan Markab laga leeyahay dalka Masar, iyadoo la sheegay in markabkaas uu ku wajahan yahay xeebaha Eyl.

Wasaarada arrimaha dibadda ee Masar ayaa saxaafada u xaqiijisay in dooni dalkeeda laga leeyahay lagu haysto Somalia, waxayse wasaaradu sheegi waday shaqaalaha socda Markabkaas.

Safiirka Masar u fadhiya Dalka Kenya ayaa la sheegay inuu xiriir la sameeyay madaxda Dowladda Federaalka KMG ah ee Soomaaliya uuna ka codsaday inay gacan ka geystaan sidii loo sii dayn lahaa doonidaas ay leeyihiin.

Doonidaan oo nooca xamuulka ah ayaan la garanayn halka ay ka timid iyo halka ay ku socotay, waxaana dowladda Masar ay si weyn uga leexleexatay inay war cad kasoo saarto doonida laga haysto.

Afduubayaasha Somalida ah ayaan iyaguna sheegin inay dooni haystaan iyo in kale, waxaase wakaaladaha wararka ee caalamka lagu faafiyay inay doonidaas gacanta ku hayaan burcad badeed Soomaaliyeed.